"*மாதவன்* என்றென்று ஓதவல்லீரேல்
"*மாதவன்* என்றென்று ஓதவல்லீரேல்
_____________________________________________
ஸ்ரீமான் ஜோசெப் ராமாநுஜ தாஸர் ஸ்வாமிக்குத்
தீவினையேதும் சாராதபடி, ஸ்ரீவைஷ்ணவ ஸமூஹத்தில்
செய்யும் ப்ரார்த்தனையில் அடியேனும் அந்வயித்துச்
செய்யும் விண்ணப்பங்கள் இவ்வாறு ~
"ஆழியெழச் சங்கும் வில்லுமெழ---" *(திருவாய்மொழி 7-4),*
சீடர்கள் இப்பதிகம் சேவித்து, பின்பழகிய-பெருமாள்-ஜீயர்க்குத் திருமேனி
"பண்டுபோலே பாங்காயிற்று" *[ஆறாயிரப்படி குரு-பரம்பரா-ப்ரபாவம்,
*நஞ்சீயர்-நம்பிள்ளை
வைபவங்கள்].
"*மாதவன்* என்றென்று ஓதவல்லீரேல்,
தீதொன்றும் அடையா, ஏதம் சாராவே." [திருவாய்.10:5:7]
<கண்ணன் கழலிணை> எனத் தொடங்கும் இப்பதிகம் திருமந்த்ர-ஸாரம் என்று ஆழ்வான்
நிர்வாஹம்.
*திருமந்த்ரம்* எப்பொருளாயும் பயன்படும் என்று
ந்ருஸிம்ஹ புராணத்தில் காண்கிறது.
नमो नारायणायेति मन्त्र: सर्वार्थ-साधक: |
<நாடு நகரமும் நன்கறிய நமோ நாராயணாய என்று
பாடும் மனமுடைப் பத்தருள்ளீர் வந்து பல்லாண்டு கூறுமினே !>
"மங்கிய வல்வினை நோய்காள் !
உமக்கும் ஓர் வல்வினை கண்டீர்,
இங்குப் புகேன்மின், புகேன்மின்,
எளிதன்று கண்டீர், புகேன்மின் !
சிங்கப் பிரான் அவன் எம்மான் சேரும்
திருக்கோயில் கண்டீர்,
பங்கப்படாது உய்யப்போமின்
பண்டன்று பட்டினங்காப்பே !
"உறகல், உறகல், உறகல்,
ஒண்சுடர் ஆழியே, சங்கே,
அறவெறி நாந்தக-வாளே,
அழகிய சார்ங்கமே, தண்டே,
இறவுபடாமல் இருந்த
எண்மர் உலோக-பாலீர்காள்,
பறவை அரையா உறகல்,
பள்ளியறை குறிக்கொண்மின் !
"அரவத்து அமளியினோடும்
அழகிய பாற்கடலோடும்
அரவிந்தப் பாவையும் தானும்
அகம்படி வந்து புகுந்து
பரவைத் திரை பல மோதப்
பள்ளிகொள்கின்ற பிரானைப்
பரவுகின்றான் விட்டுசித்தன்
பட்டினம் காவல்பொருட்டே !" [பெரியாழ்வார் 5:2]
த்ரௌபதி தேவியின் சரணாகதிப் பாசுரம்.
(இதற்கு ஸ்வாமி பெரியவாச்சான் பிள்ளை
தனி வ்யாக்யான ரஹஸ்யமே அருளியுள்ளார்.)
शङ्ख-चक्र-गदा-पाणे, द्वारका-निलय-अच्युत
गोविन्द, पुण्डरीकाक्ष, रक्ष मां शरणागताम् !
இறைவனின் ஐம்படைகளை விளித்து,
எம்பெருமானின் மந்த்ர-ரூபமான
திருநாமங்களை ஜபித்தல் ~
वनमाली गदी शार्ङ्गी शङ्खी चक्री च नन्दकी
श्रीमान् नारायणो विष्णु: वासुदेवो अभिरक्षतु ||
கேரள-கவி மஹான் ஸ்ரீ நாராயண பட்டத்திரி
செய்த பிரார்த்தனையை ஜபமாக அநுட்டித்து
ஒரு மாது புற்றுநோயிலிருந்து விடுபட்டதாக
ஒரு பத்திரிகையில் படித்தேன் ~
अस्मिन् परात्मन् ननु पाद्मकल्पे
त्वं इत्थं उत्थापित-पद्मयोनि:
अनन्तभूमा मम रोगराशिं
निरुन्धि वातालय-वास विष्णो ||
[ஸ்ரீமந்நாராயணீயம் 9:13]
[எங்கும் நீக்கமற வியாபித்து நின்று,
படைப்பாளியான பிரமனையே படைத்து
விளங்கும் பரமாத்மாவே, அடியேனுடைய
நோய்ச் சேர்க்கையினைக் களைந்தருள வேணும்.]
க்ரமமாக மந்த்ரோபதேசம் ஆகாதிருந்தாலும்,
*"நாராயண" *எனும் பெயர்ச்சொல் மட்டும் இட்டு
நாம-ஜபம் செய்வது ஒன்றே போதுமானது.
संकीर्त्य नारायण-शब्द-मात्रं विमुक्त-दुःखा: सुखिनो भवन्ति |
--(ஸ்ரீமகாபாரதம், ஸ்ரீஸஹஸ்ரநாம பூர்வாங்கம்)
ஆக, மாதவன், நாராயணன், கோவிந்தன், ஆன
மந்த்ரத் திருநாமங்களை மட்டுமே ஜபித்திருந்தால்
போதுமானது.
<ஹரே* ராம* ஹரே *க்ருஷ்ண* ஹரே* ரங்க* ஹரே ஹரே !>
அடியேன் ராமாநுஜதாஸன்
திருமஞ்சனம் சுந்தர ராஜன்
Comments